Egunkaria (Ruper N.Yorken berria)
------------------------------------------------------------------------
Kultura txikien poesia errezitaldi batean abestuko du oñatiarrak, Tribes galerian
Ruper Ordorikak bi kontzertu eskainiko ditu New Yorken Bakarka eta hango lagun musikariekin ariko da kantaria, abenduaren 6an eta 8an Euskal Herrian hitzartuta dituen bi kontzertuak eman eta gero ˜azaroaren 29an Ermuan eta 30ean Usurbilen˜ New Yorkerako hegazkina hartuko du Ruper Ordorikak. Han bi kontzertu emango ditu hurrengo egunetan, bata Tribes aretoan, abenduaren 6an, eta bestea The Bowery Poetry Club aretoan, abenduaren 8an. Hau ez da Ordorikak hain ondo ezagutzen duen eta lagun handiak dituen hirian jotzen duen lehen aldia, baina bai iragarritako egitarau baten barruan egiten duena. «New Yorken klub asko daude, eta jotzeko aukerak ere badaude, baina jo dudanean oso modu anonimoan izan da. Beraz, bai, hauek izango dira nire lehen kont zertuak han», azaldu du kantariak. Madrilen Cafe Central aretoan jotzen ari zela jaso zuen New Yorken jotzeko eskaintza, han bizi den argazkilari katalan baten bidez. Tribes galeriak hizkuntza txikien inguruan antolatu nahi zuen poesia errezitaldian «nik kantu batzuk euskaraz emateko interesa agertu zidan, eta horrela gauzatu da». Emanaldi horretan bakarka ariko da oñatiarra. Poesia irakurketan parte hartuko dutenen izenak ez dakizki Ordorikak, bai, ordea, idazle katalan batek parte hartuko duela, eta beharbada «Amiri Baraka (LeRoi Jones) idazle eta aktibista beltz seinalatua etorriko da». Steve Cannon poeta eta artista afroamerikarrak zuzentzen du Tribes galeria. Bidaia bikoitza Emanaldi horretarako baietza eman eta gero, Bob Holman poetak zabaldu berri duen The Bowery Poetry Club aretoan ere jotzeko aukera sortu zen. «Hango nire lagunekin» eskainiko d u Ordorikak bigarren kontzertu hori: Ben Monder (gitarra), Kenny Wollesen (bateria) eta Kermitt Driscoll (kontrabaxua). Monder eta Wollesenek Ordorikaren azken diskoetan hartu dute parte; Driscoll Bill Frisellen hirukotek o kidea da, eta Ordorikarekin grabatu ez badu ere, ezagutzen dute elkar. Laurak elkartzeko ideia Monderrena izan zen, hasieran Ordorikak eta Monderrek bakarrik jo behar baitzuten. Ez da zaila izan. «Oso pozik hartu dute ideia, eta niretzat ere gauza berezia eta polita da. Normala denez, errep ertorioa han bertan prestatu beharko dugu. Niretzat bidaia honek bi zentzu dauzka; musikalki ere bidaia bat da, musikari horiekin beti norabait joaten zara, espero ez zenuen parajea ikusten duzu». Rock tradizio handiko auzoan dago kokatuta The Bowery Poetry Club, Manhattango Boweryn. Han dago CBGB areto mitikoa eta Patti Smithek inguruko St. Mark‚s elizan egin zituen lehen poesia irakurketak. «Garai batean auzo ar riskutsuen muga zen, baina orain ikaragarri aldatuta dago».

Jon Eskisabel